in

Tri arsye që mund të çojnë në fund martesën tuaj

Martesa është një nga fazat më të rëndësishme në një lidhje. Shumë çifte e kremtojnë dashurinë me martesë duke premtuar ndaj njëri-tjetrit dashuri të përjetshme, e disa edhe në këto momëntë po I japin fund martesës së të tyre.

Eksperti i lidhjeve, Adrienne Levy, thotë se dashuria dhe besimi janë komponentë jetësor për themelimin e një martese të fortë që zgjat. Por, sipas tij, ndonjëherë nuk mjaftojnë vetëm këto dyja.

Këto janë tri arsye të forta që mund të shkaktojnë ndarje e që çdo çift duhet të ketë shumë kujdes:

Nuk komunikoni për lidhjen tuaj: Shumë njerëz mendojnë se sapo të martohen, nuk ka nevojë të ulen dhe të flasin për lidhjen tuaj. Por kjo është e pavërtetë, dhe mbetet një nga shkaktarët kryesorë të ndarjeve. Aftësia për të diskutuar për lidhjen tuaj është vitale, e në veçanti gjatë martesës.

Nuk shoqëroheni me persona tjerë: Të kesh marrëdhënie dhe miqësi jashtë martesës është çelësi për ta mbajtur martesën tuaj të fortë dhe të shëndetshme. Duhet të jeni në gjendje të keni një sistem mbështetës që nuk është vetëm bashkëshorti juaj. Kjo do të thotë që duhet të keni miq ose marrëdhënie të forta me anëtarët e familjes suaj. Terapeutët e martesës kanë vënë në dukje se nëse miqësia e vetme ose marrëdhënia juaj e fortë është bashkëshorti, atëherë martesa juaj mund të ketë telashe.

Mbajtja e sekreteve nga njëri-tjetri: Ka gjëra që ne shpesh preferojmë t’i mbajmë për vete, por mbajtja e sekreteve në martesë është e dëmshme. Nuk është nevoja t’ia thoni partnerit çdo mendim që ju vjen ndërmend, por nëse me vetëdije mbani sekrete, kjo shumë shpejt mund të sjellë në probleme të vështira martesore. Ekspertët nuk rekomandojnë të mbani sekrete, pavarësisht sa të vogla apo të mëdha janë! Sinqeriteti gjithmonë është opsioni më i mirë.