Dafina Zeqiri dhe Dj Geek konfirmuan disa ditë më parë atë që të gjithë fansat po prisnin prej kohësh, ribashkimin e tyre. Dafina postoi në Instagram disa foto të saj, të shkëputura nga videoklipi i fundit që ka realizuar me Ylli Limanin. Në foto ajo shfaqej e veshur me një kostum të bardhë dhe përkrah tyre shkruante: “Ti je ai që më plotëson”.
Por, jo vetëm kaq. Dafina e ka kaluar mbrëmjen e ndërrimit të viteve në shtëpinë e Geek me të afërmit e tij. Ishte Dj i mirënjohur ai që ndau video nga mbrëmja e tyre festive ku ra në sy edhe pjesëmarrja e këngëtares.
Ata nuk i fshehin më komentet e ëmbla për njëri-tjetrin në rrjetet sociale. Së fundmi, Dafina ka publikuar disa foto nga xhirimet e këngës “Mos shko”, duke shkruar “Nëse do shprehje 4 dëshira, çfarë do ishin?”
Dhe e dini çfarë dëshire shprehu DJ Geek? “Ty këtu tani!”-ka shkruar ai duke lënë të kuptohet se momentalisht nuk ishin bashkë.
Dafina i ka komentuar me disa emoji duke ikur me vrap!
Para disa muajsh dyshja i habitën të gjithë pasi konfirmuan publikisht se ishin ndarë, pak kohë pasi kishin nisur lidhjen e tyre.Dafina u shpreh se ishte e detyruar të zgjidhte mes të dashurit dhe punës, ndaj ajo zgjodhi këtë të fundit. Mirëpo kjo ndarje nuk zgjati shumë dhe tani ata janë shumë të lumtur bashkë.
