Në episodin e së enjtes të “The Kardashians” që transmetohet në Hulu, motra e madhe Kourtney Kardashian zbulon se ajo theu unazën e saj të fejesës prej 1 milion dollarësh, të cilën ia kishte dhënë i fejuari Travis Barker.
Ajo e shkeli padashur unazën me këmbë.
Ishte Kris Jenner, mamaja e saj, ajo që vuri re se unaza me vlerën marramendëse nuk ndodhej në gishtin e së bijës dhe më pas e pyet se çfarë ka ndodhur.
“Në fakt po rregullohet,” u përgjigj 43-vjeçarja Kourtney Kardashian, e cila dukej mjaft e shqetësuar.
Kourtney e përshkroi këtë ngjarje si një “nga gjërat më të këqija që kam bërë ndonjëherë në gjithë jetën time”.
Më tej, ajo rrëfeu se si ndodhi e gjithë ngjarja.
“Isha ulur në dysheme duke palosur xhupat. E hoqa unazën dhe e vendosa pranë meje në dysheme, sikur të mendoja se do të ishte e sigurt pikërisht pranë meje. Fatkeqësisht, nuk ishte. Më duhej të vendosja diçka lart në dollapin tim dhe kur u largova, shkela mbi unazë.
Po qaja në mënyrë histerike për orë të tëra dhe më pas thirra Travisin. U bëra shumë keq”, tha ajo.
